“Kişilər özündən böyük qadını ona görə istəyirlər ki, xəyanət…” – Psixoloqdan olay AÇIQLAMA

“Kişilər özündən böyük qadını ona görə istəyirlər ki, xəyanət…”
“İnsanlar münasibət arzusuna düşəndə özlərinin ehtiyacını müəyyənləşdirərək onun axtarışına çıxırlar”.

Bu sözləri məşhur psixoloq Əfsanə Rüstəmova “Cebhe.info”-ya açıqlamasında deyib.

O bildirib ki, insanlar ehtiyaclarını müəyyənləşdirəndən sonra bunu haradan əldə edəcəyini düşünürlər:

“Məsələn, insan çörək almaq istəyəndə, geyim mağazasında getmir. Münasibətdəki ehtiyacımızı da müəyyən edəndən sonra onun kimdən və necə təyin edəcəyimizə dair şüuraltı düşünürük. Bu ehtiyacı təmin edən insanın yaşı, maddi vəziyyəti və digər göstəriciləri də üzə çıxmağa başlayır. Bunlar da üzə çıxdıqca, insanlar özlərinə nə lazım olduğunu dəqiq başa düşürlər. Əlbəttə ki, insanlar münasibətdə çılğınlıq, dinamika və yeniliklər kəşf etmək istəyirlər. Buna görə də öz partnyorlarını daha fərqli həyat təcrübəsindən və yaş qrupundan seçirlər. Bizim xarakterimiz qarşımızdakından gözləntimizin təmin olunmasını istəyir”.

Həmsöhbətimizin fikrincə, insanlar müəyyən yaşdan sonra ailələrindən gözlədikləri qayğını daha çox partnyordan almağa çalışırlar:

“Əslində, partnyor da həmin qayğını vermək üçün özünün də onu kəşf etməsi lazımdır. İnsanlar münasibətlərində arxayınlıq axtaranda daha çox yuxarı yaş qrupuna müraciət edirlər. Çünki onların həyat təcrübəsi tez-tez partnyor dəyişməyə çox açıq olmur. Daha çox sadiqlik axtaran insanlar 10 və daha böyük yaşda partnyorlar istəyirlər”.

Psixoloqun sözlərinə görə, bəzi kişilər sədaqətindən arxayın olmaq üçün özlərindən böyük qadınları seçirlər:

“Çünki gənc qadınların xəyanət etmək ehtimalı çoxdur. Həmçinin, rəqabət də böyük olur. Yəni bəzi kişilər qadının sədaqətini sığortalamaq üçün yuxarı yaş qrupundan partnyor seçirlər. Bu, həm də qadınlara aiddir. Onlar da daha sadiq olması üçün yuxarı yaş qrupundan olan kişiləri seçirlər. Həyatın müəyyən mərhələsindən sonra nə istədiklərini yaxşı bilirlər. Qarşılarında tez-tez fikri dəyişən, gənc və dinamik insanlar görmək istəmirlər. Bu cür sadiqlik axtarışında olanlar da yuxarı yaş qrupu axtarırlar.

Məsələn, valideynlərindən sevgi, şəfqət və qayğı görə bilməyən insanların seçimi yuxarı yaş qrupu qadınlar olur. Çünki ondan müəyyən mənada həm “ana”, həm də sevgili kimi istədiyini ala biləcəklər. Bəzi kişilər isə imkanlı qadınlarla münasibət qurmaq istəyirlər. Çox az faiz kişilər də özündən yaşca böyük qadınla münasibət qurmağı maddi olaraq rahatlıq kimi görürlər. Yuxarı yaş qrupundan olan qadınlar artıq özlərinin maddi rifahını təmin etdiyi üçün kişidən daha az istəyi olur. Kişilər isə öz ehtiyaclarını ödəyə biləcək partnyor seçməyə məcbur qalırlar. Belə olan halda, müəyyən yaşdan yuxarı olan xanımları seçirlər”.

Əfsanə Rüstəmova onu da diqqətə çatdırıb ki, qadınlar kişilərdən daha tez olğunlaşırlar:

“Kişi ilə qadın arasındakı fiziki yaş fərqi onların arasındakı psixoloji yaş fərqi demək deyil. Məsələn, qadınla kişi arasındakı fiziki yaş fərqi 8 olsa da, onların aralarındakı psixoloji yaş fərqi 13 yaş olur. Çünki qadınların olğunlaşması kişilərdən 5 il öncə başlayır. Düşünürəm ki, insanlar bu detalları doğru dəyərləndirəndə özlərinə lazım olan münasibəti daha az yoxlayaraq tapa biləcəklər.

Bundan başqa, ölkəmizdə kişinin özündən böyük qadınla münasibətdə olması çox normal qarşılanmır. Nəzərə almaq lazımdır ki, biz hələ də valideynləri ilə yaşayan cəmiyyətik və övladların ayrı evə çıxması çox xoş qarşılanmır. Ona görə bu münasibətə ailələrin də təsirləri ola bilir. Ümumiyyətlə, cəmiyyətin və axının əksinə olan məqamları götür-qoy etdikdən sonra seçməliyik”.
Tarix: 6-05-2024, 15:53
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

{sape_links}{sape_article}