Nahid Bağırov İsmayıllının DİZLƏRİNİ YERƏ GƏTİRİB... - NARAZILIQ HƏR GÜN ARTIR...



Nahid Bağırov İsmayıllının DİZLƏRİNİ YERƏ GƏTİRİB... -
... Nahid Bağırovun İsmayıllıdakı İcra başçılığının hələ ili tamam olmamış bir-birinin ardınca qalmaqallı əməllərinin və elə buna bərabər hadisələrin şahidi oluruq. Artıq neçənci dəfədir ki, İsmayıllıdan “Təzadlar”ın elektron poçtuna daxil olan şikayət dolu məktubların təhlili də onu deməyə əsas verir ki, Nahid Bağırovun təyinatında göstərilmiş böyük etibar və etimadlar onun tərəfindən heçə endirilməkdədir: “... Nahid Bağırovun yaşı imkan verir ki, İsmayıllının sabiq başçısı Nizami Ələkbərovun başına gələnlərdən nəticə çıxartsın, amma o, bütün bunları da vecinə almır.
Keçmişi qalmaqallı və bütün İsmayıllıya bəlli müavini olan Mahmud Süleymanova qoşularaq demək olar işi-gücü Bakıdan gələn (həmin ifadəni yazmağa lüzum görmürük, başçı özü yaxşı bilir..RED.) məhrəm dostları ilə İsmayıllının adı hamıya bəlli “Su meyilli”, “Talıstan –Fores” və sair restoranlarda (anti-reklam olar deyə, adlarını yazmadıq.RED.) səs-küylü eyşt-işrət məslisi keçirməyini rayonda hamı bilir və ciddi narazılıqla müşaiyət olunur. Axı o bilir ki, sabiq əmək və əhalinin sosial müdafiəsi naziri Füzuli Ələkbərovun qardaşı Nizami Ələkbərov İsmayıllıdan nə üstündə qovuldu... 2013-cü ildə İsmayıllı rayonunda baş verən məlum insident çoxlarının yadındadır, yəqinki Nahid Bağırov də bunu unutmayıb. Eyni ilin yanvar ayında N.Ələkbərovun nazir qardaşı Füzuli Ələkbərovun oğlu Vüqar Ələkbərov İsmayıllı rayon sakinlərini təhqir etmişdi... Bu isə rayon sakinlərinin kəskin etirazına səbəb olmuş, böyük narazılıq yaranmışdı. Etirazlar onunla nəticələndi ki, nazir balasının məlum hərəkətlərindən sonra İsmayıllıda Vüqar Ələkbərova məxsus “Çıraq” oteli və bir neçə bahalı avtomobil yandırıldı. Həmin otel nəyə xidmət edirdi, hamı bilir və İsmayıllı ziyalılarını da coşduran bu idi. Bu hadisədən bir müddət sonra Füzuli Ələkbərov və ardınca qardaşı, İsmayıllının başçısı Nizami Ələkbərov da vəzifələrini itirdilər. Prezident sərt tədbirlər gördü... Və Nahid Bağırov yaxşı bilir ki, Prezident İlham Əliyev onun etimadına xor baxanları heç vaxt bağışlamır... Yaxşı olar ki, Nahid Bağırov İsmayıllıdan əhalinin etirazları ilə qovulan sabiq icra başçısı Nizami Ələkbərovun bu sözlərini unutmasın: “Jurnalist: “Fevralın 14-də prezident İlham Əliyev sizi vəzifədən azad etdi. Bunu gözləyirdinizmi?” N.Ələkbərov: “Təbii ki... Rayonda belə bir dəhşətli hadisə baş vermişdi, sabitliyi təmin edə bilməmişdik. Bunun üçün də qərarı əsaslı sayıram. Gözlənilən qərar idi. Hadisə baş verən gündən bu qərarı gözləyirdim”. Bax belə... Deməli, Nahid Bağırov da elə bir qərarı artıq gözünün altına almalıdır, çünki...”.

Onu da qeyd edək ki, “Təzadlar”ın əməkdaşları dünən İsmayıllıda olaraq rayon istimaiyyətinin bəzi nümayəndələri ilə görüşmüşlər... Bu barədə növbəti yazılarda bəhs olunacaq...

Prezident İlham Əliyevin gənc icra başçısından özündən böyüyə yer verməsini istəyən tarixi tövsiyyəsi və Nahid Bağırovun 60 yaşlı sahibkara olmazın hörmətsizliyi...

Yəqin Azərbaycan ictimaiyyəti Prezident İlham Əliyev ötən ilin martında Nahid Bağırovu İsmayıllıya başçı təyinatı zamanı qəbul edərkən növbəti dəfə nümunə ola biləcək addım atdı. Belə ki, Prezident İlham Əliyev 2020-ci ilin martın 5-də Nahid Bağırovu İsmayıllı Rayon İcra Hakimiyyətinin başçısı və Mirhəsən Seyidovu Neftçala Rayon İcra Hakimiyyətinin başçısı vəzifələrinə təyin olunmaları ilə əlaqədar qəbul edərkən daha gənc olan M. Seyidov qabaq stulda əyləşəndə dövlət başçısı ona özündən böyük Nahid Bağırovdan arxada oturmağı tövsiyyə etmişdi. Nəticədə özünü daha qabaq stuldakı yerə verən 30 yaşlı Mirhəsən Seyidov yerini 40 yaşlı Nahid Bağırova verməli olmuşdu. Bu fakt bir daha göstərirdi ki, xalqımıza xas mənəvi keyfiyyətlərdən biri də böyüyə hörmət və sayğı hər bir kəs üçün vacib əməldir! Və Prezident İlham Əliyevin bu dəyəri gündəmə gətirməsi və daim diqqətdə saxlaması özündə bir çox amilləri ehtiva edir: ənənəvi dəyərlərə sadiqlik, böyüyə hörmət və sadəlik.

Sirr deyil ki, İlham Əliyev bütün tədbirlərdə, keçirdiyi görüşlərdə böyüklərə, ağbirçəklərə bəslədiyi hörmətlə daim nümunə göstərib. Prezidentin istər şəhid ailələri ilə görüşündə, istərsə də bölgələrə səfəri zamanı yaşlı insanlarla səmimi söhbətləri, onları qayğılandıran məsələlərlə bağlı həssas yanaşması deyilənlərin təsdiqidir. Biz “Təzadlar” olaraq bu məqamı özündə əks etdirən video-süjeti AzTV-nin arxivindən əldə edərək qəzetin saytında təqdim etməklə bunu özümüzə borc, Nahid Bağırova isə görk və yaddaşının itilənməsi kimi bilirik. Çünki...

Bəs Nahid Bağırov əliqabarlı 60 yaşlı sahibkarı Ağdamdan İsmayıllıya çağırtdırıb niyə 2 saat gözlətdirir və sonra isə qəbul etmir?

Prezidentin böyüyə hörmət tövsiyyəsini elə-belə xatırlamadıq.... Diqqətli oxucular bilir ki, “Təzadlar”ın ötən sayında 1962-ci ildə Ağdam rayonunda anadan olmuş, məcburi köçkün, fermer-sahibkar Teyyub Əli oğlu Abdullayevin Azərbaycan Respublikasının Prezidenti cənab İlham Əliyevə müraciəti dərc edilmişdi. Müraciətə səbəb isə məhz vaxtilə Prezident, Ali Baş Komandan İlham Əliyevin Neftçalaya yeni təyin edilmiş 30 yaşlı M.Seyidovun İsmayıllıya yeni təyin olunmuş 40 yaşlı Nahid Bağırovun yaşca böyük olmasına hörmət qoymasına rəğmən, indi 41 yaşlı Nahid Hacıyevin 60 yaşlı sahibkar, əli qabarlı fermer T.Abdullayevə görünməmiş hörmətsizliyi idi.

Qısaca olaraq deyək ki, T.Abdullayev ali təhsilli iqtisadçıdır, Ağdam rayonu işğal ediləndən sonra - uzun illərdir kənd təsərrüfatı sahəsində məhsul istehsalı və tədarükü ilə məşğuldur. Dövlətimizin ərzaq təhlükəsizliyi ilə bağlı Prezidentin sahibkarlara, iş adamlarına məlum çağırışı ilə əlaqədar Azərbaycanda ilk dəfə olaraq açıq əkinçilikdə damcılama üsulu ilə suvarma sistemini tətbiq edib. O, əsas əkin növü olaraq soğan, buğda və kartof əkini ilə məşğul olur. Becərdiyi soğanın ümumi məhsuldarlığı orta Respublika səviyyəsindən iki dəfə çox olmaqla, hər il 7-8 min ton təşkil edir. Həmişə kənardan soğan idxal edən Respublikamız məhz onun tətbiq etdiyi yüksək aqrotexniki becərmə sayəsində indi soğan ixracatçısına çevrilmişdir. Ən vacibi, T.Abdullayev bu günədək dövlətdən bir manat belə maliyyə yardımı almadan bu möhtəşəm işlərə nail olmuşdur. Daha bir mühüm faktı deyək ki, o, təkcə hər il damcılama üsulu ilə aparılan suvarmada 1.400.000 m uzunluğunda xüsusi rezin borulardan istifadə edir ki, bu da əlavə su itkisinin qarşısını almaqla bərabər, məhsuldarlığı da maksimum səviyyəyə çatdırır. O məhsul istehsalında beynəlxalq təcrübəni öyrənmək və Azərbaycanda tətbiq etmək üçün isə Türkiyə, İtaliya, Rusiya, Ukrayna və başqa ölkələrdə səfərlərdə olmuş, qabaqcıl təcrübəni öyrənərək Respublikamızda tətbiq olunmasına nail olmuşdur. T.Abdullayev ümumi fəaliyyətimi sayəsində hər il 450-dən çox mövsümi iş yerinin açılmasına nail olur. Nəhayət, T.Abdullayev Ağdam rayonundan məcburu köçkün düşərək İsmayıllı rayonunda məskunlaşmış soydaşlarımızın sosial və məşğulluq problemlərinin həlli üçün Dövlət Aktı və İsmayıllı rayon İcra Hakimiyyəti ilə müqavilə bağlayaraq 2003-ci ildə rayonda istifadə edilməyən ərazini aqrotexniki qaydada sahmana salaraq Dövlət Fondunda olan 73 hektar torpaq sahəsini 25 illiyinə icarəyə götürərək burada İsmayıllı rayonunun ehtiyacları üçün taxıl əkini həyata keçirməkdədir. Sənədlərdə həmin torpaq sahəsi örüş yeri kimi qeyd edilsə də, Əmlak Komitəsinin və Vergilər Nazirliyi mütəxəssislərinin tövsiyyəsi əsasında bu günədək həmin torpaq sahəsinə görə nəzərdə tutulan vergini əkin kimi Dövlət büdcəsinə ödəməkdədir. Və bu günlərdə İsmayıllı rayon İcra başçısının müavini Mahmud Süleymanov RİH başçısı Nahid Bağırovun adından onu Ağdamdan İsmayıllıya çağırtırır, şəhid ailələrinə vermək adı ilə pul tələb edir. Hansı ki, T.Abdullayev indiyədək heç bir tapşırıq olmadan təkcə İsmayıllı rayonundakı şəhid, qazi və veteran ailələrinə kifayət qədər maddi yardım etmişdir (44 günlük Zəfər müharibəmizdən sonra o, təkcə İsmayıllı rayonundakı şəhid və qazi ailələrinə öz təşəbbüsü ilə 7000 manatdan çox nəğd pul vəsaiti yardım etmiş, Ağdamdakı hərbi hissələrdən birinə Ukraynadan gətirdiyi komplektləşdirilmiş “QAZ-66” hərbi təyinatlı yük avtomobili bağışlamış, həmçinin Ağdamda şəhid və qazi ailələrinə lazımi qədər maddi yardım etmişdir).

T.Abdullayev telefonda əlaqələndirici vasitəsilə rayon İH başçısının müavinin diqqətinə çatdırır ki, kimə zərurət varsa, siyahı verilsin, imkan daxilində yenə də ərzaq və maddi yardım etməyə hazırdır. Lakin uzun danışıqdan sonra o, başa düşür ki, Nahid Bağırovun tapşırığı əsasında zəng edən məsul şəxs onun İH-nə nəğd pul göndərməyini istəyir, özünün gəlməyini yox.

Vəziyyət dəyişir, rayon rəhbərliyinin də əliqabarlı fermerə münasibəti də... Səhəri gün-23 noyabr 2021-ci il tarixdə İsmayıllı rayon Polis İdarəsinin sahə müvəkkili və başqa bir polis nəfəri heç bir rəsmi təqdimat, xəbərdarlıq, yaxud məhkəmə qərarı olmadan 25 illiyinə icarəsində olan əkin sahəsindəki texnikaları zor gücünə sahədən çıxartdırır, izah edirlər ki, İcra başçısı Nahid Bağırovun göstərişidir!

T.Abdullayev dərhal bir gün əvvəl ona RİH başçısının və müavinin adından zəng edib şəhid ailələri üçün pul istəyən RİH aparatının şöbə müdirinin müavini Şahin Hüseynovdan məsələyə aydınlıq istəyir. O isə bildirir ki, təcili gəl, icra başçısı Nahid Bağırovla görüşüb problemini həll etməlisən. T.Abdullayev məcbur olub 24 noyabr 2021-ci il tarixdə Qarabağ bölgəsindən İsmayıllı Rayon İcra Hakimiyyətinə gəlir, başçının kameralı qəbul otağında iki saat gözləsə də, sonda ona deyirlər ki, başçı səni görmək istəmir... Və əliqabarlı fermer-sahibkar kor-peşman Ağdama qayıtmalı olur! Halbuki T.Abdullayev icra başçısı Nahid Bağırovun əvəzinə İsmayıllının Kürdmaşı kəndindəki bir imkansız-zəlil ailəyə 30 min manat xərc çəkərək ev də tikdirib vermişdir!

“Təzadlar”ın əməkdaşlarının araşdırmaları dəhşətli faktları üzə çıxartdı...

...Gəlirik mətləbə: ölkənin birinci şəxsi-Prezident 5 mart 2020-ci ildə Nahid Bağırovu qəbul edəndə onun 40 yaşına hörmət qoyur, ölkənin 80-ci icra başçısı olan Nahid Bağırov isə onun rəhbəri olduğu rayonuna taxıl əkən, şəhidlərinə yardım edən... 60 yaşlı əliqabarlı fermerə görünməmiş hörmətsizlik edir! Bunun adı varmı???

***

...Bəli, biz araşdırdıq, İsmayıllıda olduq. Nahid Bağırov bilsin ki, bu ölkədə nəinki qoyundan-quzudan, hətta dəvədən də böyük Fil var! Kimsə Allahın və Prezidentin qismət etdiyi yüksək etimadlı vəzifənin röyasında başını kola soxub qanadlarından və quyruğundan xəbərsiz ola bilər. Amma bu ölkənin indiki texnoloji yeniliklərində kimin harda nə iş gördüyünü Bakıda da yaxşı görürlər. Bir sözdü dedik. “Su meyilli”, “Talıstan –Fores” və sair restoranlarda baş verənləri yaxşı olar ayıq başla bir də xatırlasınlar. Və xatırlasınlar ki, necə olur, dövlətdən bircə manat belə almayan fermer T.Abdullayevə 20 ildən çoxdur əkin yeri kimi vergi ödətdirib indi deyirsiniz ki, niyə ilkin sənəddə örüş yeri olan sahədə dəmyə taxıl əkirsən??? Hansı ki, Nahid Bağırov bilməli idi ki, İsmayıllı kimi dağ rayonunda dəmyə taxıl qoyun-keçilər üçün xəsil-otlaq sahəsi deməkdir. Oradan hektara heç 15-20 sentner arpa da götürmək bəzən mümkün deyil... Bəlkə müavini Mahmud Süleymanov arpanı həm də taxıl-buğda kimi başa düşür, bunu deyə bilmərik. Amma həm RİH başçısı Nahid Bağırov, həm də onun müavini Mahmud Süleymanov bilsinlər ki, biz çoxdan bilirik ki, başçının İsmayıllı bazarını tikən biznes şəriki Vidadiyə söz verib ki, fermer Teyyub Abdullayevin 73 ha örüş sahəsinin sərəncamını ləğv edib ona verəcək! Və sərəncamla T.Abdullayevlə olan 25 illik icarə müqaviləsini ləğv edərək şəriki Vidadiyə vermək üçün (şərtini də əməkdaşlarımıza bildiblər) sənəd tədarükü görməkdədir... Olsun, bunu kim edə bilməsə də, 2 ilə ABU-nu bitirib ali təhsil diplomu aldığını deyən (bütün rəsmi sənədlərində və tərcümeyi-halında yazan) başçı Nahid Bağırov edə bilər!

Yeri gəlmişkən, N.Bağırova və Dövlət İmtahan Mərkəzinə bu və ya digər suallarla bağlı “KİV haqqında” Qanunun tələblərinə uyğun informasiya sorğusu göndərmişik... Cavab müddət keçirilsə, məhkəmədə görüşməli olacağıq. Bu işdə isə artıq başçının deyil, Prezident İlham Əliyevin imzaladığı qanunlar keçərlidir...

-Prezident İlham Əliyev icra başçılığının 40-ı çıxmamış Nahid Bağırova niyə və nəyə görə töhmət verməli oldu?

-Nahid Bağırov başçı təyin ediləndən on gün sonra Bakıdakı “Qoşa qala” restoranında hansı əməllərin “müəllifi” olmuşdu???

-Nahid Bağırovun atası Rza Bağırov əməkdaşımızla söhbətində niyə öğlunun barəsində “Nə istəyirsiniz yazın, mən onun işinə qarışmıram...” deməyə məcbur olmuşdu?

-Nahid Bağırov Nazirlər Kabinetinin qərarı ilə 1997-ci ildə açılmış ABU-nu 1999-cu ildə necə bitirib ali təhsil diplomu almışdır?

-Dövlət İmtahan Mərkəzindən Nahid Bağırovun ali təhsil alması barədə sorğumuza hansı cavabı aldıq?

-İsmayıllının 41 yaşlı icra başçısı Nahid Bağırov hansı hərbi hissədə xidmət keçib?

(Davamı var)

“Təzadlar”ın Araşdırma Qrupu
Tarix: 9-12-2021, 09:00
Xəbəri paylaş





Xəbər lenti

{sape_links}{sape_article}