Abşerondan şikayətlər niyə artıb? – “Bu, onun arxayınlığından, “Kimsə nəsə edə bilməz” davranışından irəli gəlir”


“Abşeron Rayon İcra Hakimiyyəti də daxil olmaqla, digər rayon hakimiyyətləri ilə bağlı şikayətlər var. Tikinti, sahibkarlıq fəaliyyəti, kənd təsərrüfatı sahələri və digər bu kimi bir çox sahədə rüşvət və korruspsiya halları kifayət qədər çoxdur. Maraqlı məqam ondan ibarətdir ki, həbs olunan icra başçılarından heç kim nümunə götürüb, dərs çıxarmır. Əksinə “özfəaliyyət”lərini davam etdirirlər. Bu isə öz növbəsində bir daha sistemdə boşluğun olduğunun göstərir. Ümumiyyətlə, icra hakimiyyətlərinin strukturlarında və tətbiq olunan nəzarət mexanizmində boşluq var. Məsələn, Abşeron rayonunda İradə Gülməmmədova işdən çıxarılır, yerinə isə Nərimanov rayonundan Abidin Fərzəliyev gətirilir və o da Abşerona təyin olunduqdan sonra rüşvət hallarını davam etdirirsə, bu, onun arxayınlığından, “mənə heç kim, heç nə edə bilməz” davranışından irəli gəlir. Bəzən, hətta belə hallarda “vəzifədə olana qədər talayım, rüşvət alım” anlayışı da olur...”
 
Bunu Pravda.az-a açıqlamasında Ağ Partiyanın sədir Tural Abbaslı deyib.

“Bu istiqamətdə qəti addımlar atılmalı olduğunu düşünürəm. İcra başçılarının həbs olunması məsələləri gündəm olanda sanki digərləri bundan sonra bir az toparlanmışdılar. Həbs olunan icra başçılarının bəzilərinin cəzası yüngülləşdirildi, hətta şərti azadlığa buraxılan da oldu. Beləliklə, hər kəs öz “proses”ini davam etdirməyə çalışır. Görünən odur ki, burada məsələ yalnız icra başçılarında deyil... Ola bilsin ki, kimsə onları himayə edir və başçılar da öz növbəsində buna arxayın olub rüşvət almağa davam edirlər. Hüquq-mühafizə orqanları bununla bağlı ciddi tədbirlər görməli, əməliyyatlar keçirməlidir. Bəzi hallarda insanlar şikayət etməyə qorxur, çünki şikayətçinin “başına oyun açırlar”. Ümumiyyətlə, rüşvət hallarının qarşısını almağın əsas yollarından biri də daxili nəzarət mexanizmlərinin formalaşdırılmasıdır. İcra hakimiyyəti strukturlarında müxalifətin də təmsilçiliyi bu və ya digər formada olmalıdır ki, nəzarət olsun. Hazırda icra hakimiyyətlərində qarşılıqlı nəzarət olmadan “öz əli, öz başı” prinsipi hökm sürür. Bir sözlə, bu məsələdə ümumi sistem, yanaşma dəyişilməldir. Əks halda, icra başçılarını dəyişməklə nəyisə dəyişməyin mümkün olacağını düşünmürəm”.
Tarix: 23-05-2022, 17:17
Xəbəri paylaş





Xəbər lenti

{sape_links}{sape_article}