Rusiyanın BMT Təhlükəsizlik Şurasına üzvlüyü qanunsuz imiş...

Rusiyanın BMT Təhlükəsizlik Şurasına üzvlüyü qanunsuz imiş...

Rusiya Federasiyası BMT Təhlükəsizlik Şurasının daimi üzvü deyil, çünki BMT Nizamnaməsindəki siyahıda Sovet İttifaqının adı var, Rusiyanın adı yoxdur. Eyni zamanda bu ölkənin BMT strukturuna daxil olmaq üçün ümumiyyətlə, heç bir əsası yoxdur. Çünki heç vaxt bu təşkilata üzv olmayıb. İttifaqın dağılmasından sonra sadəcə olaraq, "SSRİ" - "RF" ilə əvəz edilib.

Bundan başqa Rusiya BMT Nizamnaməsini heç vaxt ratifikasiya etməyib. Bu isə o deməkdir ki, Rusiya özünü bu nizamnaməyə əməl etməyə borclu hesab etmir ki, bu da Ukraynaya qarşı müharibədə özünü göstərir.
Bizimyol.info Ukrayna mətbutaına istinadla xəbər verir ki, bu barədə hüquqşünas Maksim Barışnikov danışıb. O, qeyd edib ki,  Rusiya Federasiyasının BMT-nin işçi qruplarında  iştirakı tamamilə əsassız və qeyri-qanunidir. Qanun BMT Nizamnaməsidirsə, bu, üzvlük əldə etmək üçün aydın proseduru nəzərdə tutur. Yəni bu Xartiya miras yolu ilə ötürülmür.
Onun sözlərinə görə,  BMT Təhlükəsizlik Şurası, Nizamnaməyə görə, bu təşkilatın orqanlarından yalnız biridir. Təbii ki, əgər dövlətin BMT-yə üzv dövlət adlandırılması üçün heç bir əsas yoxdursa, bu  zaman onun BMT Təhlükəsizlik Şurasının daimi və ya qeyri-daimi üzvü hüquqlarını əldə etməsi üçün heç bir əsas yoxdur.
“Rusiya Federasiyası və ondan əvvəl RSFSR heç bir  zaman  BMT Nizamnaməsini ratifikasiya etməyib. Yəni müvafiq olaraq, bu, Rusiya üçün məcburi deyil. Rusiya açıq şəkildə  BMT Nizamnaməsinin 2-ci maddəsinin 3 cü “dövlətlərə başqa dövlətlərə qarşı beynəlxalq münasibətlərdə güc tətbiq etməsini və hədələnməsinin qadağan edilməsi” bəndinə məhəl qoymur.
Yəni bu zaman sadəcə olaraq, Rusiyanı BMT Təhlükəsizlik Şurasından qovmaq lazımdır.  Çünki Rusiya heç bir zaman üzv olmadığı üçün onu üzvlükdən məhrum etmək olmaz. Təkcə BMT-dən deyil, həm də BMT Təhlükəsizlik Şurasından və BMT-nin daimi üzvləri siyahısından Rusiyanı çıxarmaq lazımdır”,- deyə  hüquqşünas qeyd edib. Barışnikovun sözlərinə görə, BMT-nin daimi üzvlərinin siyahısı BMT Nizamnaməsinin 23-cü maddəsində verilib. Rusiya Federasiyası, RSFSR və ya Rusiya ümumiyyətlə yoxdur.
“Beş ölkə var, onlardan ikisi yoxdur. Bunlar Çin Respublikası və Sovet İttifaqıdır. 1961 və 1971-ci illərdə BMT Baş Assambleyasının qərarlarına uyğun olaraq ÇXR Çin Xalq Respublikasının səlahiyyətli nümayəndələri ilə əvəz olundu, lakin Sovet İttifaqında heç bir qərar qəbul edilmədi”,- deyə o əlavə edib.
Tarix: 23-11-2022, 21:51




Xəbər lenti

{sape_links}{sape_article}