Aslan İsmayılov niyə yoxa çıxıb? - AÇIQLAMA

Aslan İsmayılov niyə yoxa çıxıb?
Tanınmış hüquqşünas Aslan İsmayılov uzun zamandır ki, sosial şəbəkələrdə ölkə həyatında baş verən hadisələrə dair mövqe ifadə etmir.

Peşəkar hüquqşünas olmaqla yanaşı həm də ictimai xadim kimi tanınan Aslan İsmayılovun ölkə həyatında yaşananlara seyrçi mövqe sərgiləməsi bir sıra suallara səbəb olub.

Siam.az bildirir ki, Gununsesi.info-nun əməkdaşı tanınmış ictimai xadimlər əlaqə saxlayaraq, nə baş verdiyini öyrənməyə çalışıb.

Saytımıza açıqlamasında Aslan İsmayılov bildirib ki, ötən ilin sonunda bu haqda sosial şəbəkədə xüsusi paylaşımı olub və orada yazılandan başqa bir söz demək niyyəti yoxdur.

Qeyd edək ki, Aslan İsmayılov facebook səhifəsində səssizliyinin hansısa basqı ilə əlaqdər olmadığını yazıb:
“Ölkədə baş verənlərə də heç vaxt biganə olmamışam və olmayacam. Fəaliyyətimin ilk günlərindən Sizə söz vermişdim ki, heç vaxt özüm inanmadığım, cəmiyyətə fayda verməyən, özümün, yaxud kimlərinsə şəxsi maraqlarına qulluq edən fikirləri paylaşmayacam, izləyici toplamağa yönəlmiş yazılarım, çıxışlarım olmayacaq” yazan Aslan İsmayılov bildirir ki, Paşinyanın hakimiyyətə gəldiyi ilk günlərdən dəfələrlə Qarabağın azad olunması üçün real şansların olduğunu və bunun üçün müharibənin başlayacağını yazanda yüzlərlə sosial şəbəkə iştirakçısı onu ən ağır formada təhqir etdilər: “Prezident İlham Əliyevin hakimiyyətini uzatmaq üçün xalqı aldatdığımı yazdılar. Sonralar dediklərim reallaşanda heç haqsızlıqlarını etiraf edən olmadı. 2010-cu ildən heç bir şəxsi maraq olmadan bacardığım qədər gecə-gündüz maarifçiliklə məşğul olmağa çalışdım. Sosial şəbəkəni tərk etməyim də məhz belə haqsız tənqidlər yox, ən ağır formada heç bir əxlaqa sığmayan təhqirlər oldu. Başa düşdüm ki, bu gün cəmiyyətə acı həqiqətlər yox, şirin yalanlar lazımdır. Səbr və dözüm göstərməyin vacibliyini də bilirəm. Ancaq bu tərbiyəsizliklər artıq ailə üzvlərimə də ünvanladığından səbrim tükəndi”.
Tarix: 23-01-2023, 17:02
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

{sape_links}{sape_article}