“Şərurlu İsfəndiyar”ın qardaşı oğlu yarım milyon məsələsindən danışdı: - “Ona zəng edəndə, pıçıltı ilə danışır”

“Şərurlu İsfəndiyar”ın qardaşı oğlu yarım milyon məsələsindən danışdı:
Tanınmış iş adamı İsfəndiyar Axundovun (Şərurlu İsfəndiyar) qardaşı oğlu, “Draft Construction” MMC-nin sahibi Eldəniz Axundov “Azəriqaz”ın baş direktorunun istismar üzrə müavini Cahid Hüseynovun qohumu, “Kotanlı BTK” MMC-nin rəhbəri Təbriz Hüseynovun onun haqqında səsləndirdiyi iddialara münasibət bildirib.

SİAM.AZ bildirir ki, E.Axundov Pravda.az-a açıqlamasında T.Hüseynovun iddialarını təkzib edib.

O deyib ki, Təbriz Hüseynov onun texnikasını aparıb, geri qaytarmır: “Guya “Kotanlı” şirkəti var, yeni açıb. Vallah, çox problemli adamdır. Başıma nə oyunlar gətirib. Ödəniş borcu var. Baş Mütəşəkkil Cinayətkarlıqla Mübarizə İdarəsinə şikayət etmişəm. Baxılmadı, dedilər, bu, mülki işdir. Ona imzalatmışam ki, ödədiyi vəsait, gördüyü iş nə qədərdir. Faktiki olaraq mənə külli miqdarda zərər vurmuş adamdır. Ağzına gələni, boş-boş danışır. Deyir ki, guya onu izləyirik, səsini yazırıq. Mənasız-mənasız sözlər deyir. Dedim ki, sən avaranın birisən, işim-gücüm yoxdur, sənin arxanca düşəm, izləyəm, zəng vurduram? Pıçıltı ilə danışır, psixoloji problemləri var”.

E.Axundov Təbriz Hüseynova “Günəş”şadlıq sarayının qarşısında zor tətbiq etməsi barədə iddiaya isə belə cavab verib: “Məndə belə bir görüntü yoxdur. Elə şey də etməmişəm…”

İş adamı sosial şəbəkələrdə T.Hüseynovun əleyhinə şərhlər yazdırması barədə iddiaya da münasibət bildirib: “Yalan deyir. Bütün texnikaları camaatdan alıb, hamıya “atıb”. Camaatın texnikasının pulunu ödəməyib…”

E.Axundov T.Hüsynovun bu işdə qohumu, “Azəriqaz”ın baş direktorunun istismar üzrə müavini Cahid Hüseynova arxalanması barədə fikiri yayıb-yaymadığına da aydınlıq gətirib: “Ayıb olar, mən elə bir fikir səsləndirməmişəm… Mən iş adamıyam, mənə qarşı belə hərəkətlər nə dərəcədə düzgündür?!”

Qeyd: T.Hüseynov iddia edir ki, E.Axundov ona 460 min manat borcludur.
Tarix: 24-01-2023, 14:17



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

{sape_links}{sape_article}