Kamil Zeynallıya görə jurnalist Məhəmmədəli Qəriblini evindən oğurladacağını deyən bu adamdır-Foto

Kamil Zeynallıya görə  jurnalist Məhəmmədəli Qəriblini evindən oğurladacağını deyən bu adamdır-Foto
Kamil Zeynallı açıqlama verib ki, onun adından məni hədələyən adamı tanımır. Sonra deyib ki, guya, mən onun adı ilə özümü reklam etmək üçün belə addımlar atıram. Yəqin Kamil özü ilə məni səhv salır. Çünki ucuz şoularla özünü reklam edən mən yox, onun özüdür.
Mən uzun müddətdir jurnalistika sahəsində çalışıram, kifayət qədər də tanınıram. Kamilin adı ilə özümü reklam etmək fikirinə düşsəm, əksinə, antireklam effekti alaram. Yaxşı ki, Kamilə görə necə hədələnməyimi təsdiq edən mötəbər sübut kimi səs yazısını ortaya qoymuşam.
Yoxsa, Kamil deyərdi ki, ümumiyyətlə belə şey olmayıb. Məni hədələyən adamın kimlyini dəqiq müəyyən etmişəm. Özünü “Gəncəli Qabil” kimi təqdim edən şəxs əslində Kamilin yaxşı tanıdığı, hətta qucaqlaşaraq şəkil çəkdirdiyi “Ağstafalı Amil”dir. Onun Kamil Zeynallı ilə qol-boyun olaraq çəkdirdiyi şəkili paylaşıram.
O, həqiqətən Moskvada yaşayır. Mən indiyə kimi bu işlə bağlı rəsmi olaraq hüquq-mühafizə orqanlarına şikayət etməmişəm. Çünki gözlədim görüm, bu gün həqiqətən saat 8-də gəlib məni aparacaqlar? Heç həndəvərimə belə keçə bilmədilər.
Kamil deyib ki, şikayəti varsa, hüquq-mühafizə orqanlarına müraciət etsin. Kamilin nəzərinə çatdırıram ki, çox sağ olsunlar, hüquq-mühafizə orqanları ən yuxarı səviyyədə artıq bu işi nəzarətə götürüblər. Mən əlimdə olan daha mötəbər sübutları ora verəcəm. Qoy Kamil gedib orada həqiqətən bu adamı tanımadığını sübut etsin.
Mən fürsətdən istifadə edib, dünəndən başlayaraq narahat olub mənə zəng vuran, mesaj yazan, evə gələn sayı yüzlərlə ölçülən adamların hər birinə dərin minnətdarlığımı ifadə edirəm. Bu mövzuda mənə saytlarda, sosial şəbəkələrdə dəstək olan həmkarlarıma da təşəkkürmü bildirirəm. Eyni zamanda, bu işə həssas yanaşan əlaqədar qurumlara da minnətdaram.
İnanıram ki, yaşadığımız hüquqi dövlətdə jurnalisti yazdığı yazıya görə bu şəkildə hədələyən, təhqir edən şəxslər qanun qarşısında layiqli cəzalarını alacaqlar.
Məhəmmədəli Qəribli
AZİNFORUM.AZ
Tarix: 29-02-2024, 16:54
Xəbəri paylaş





Xəbər lenti

{sape_links}{sape_article}