“Soyuq müharibə”dən sonra ilk dəfə: Rusiya sərhədlərində SAVAŞ HAZIRLIĞI - FOTOLAR

ABŞ ordusu “soyuq müharibə” illərindən sonra ilk dəfə Rusiya sərhədinə çatıb.
Siam.az bildirir ki ,Publika.az xarici mediaya istinadən xəbər verir ki, ABŞ-ın hərbi qulluqçuları “Atlantika qətiyyəti” (Atlantic Resolve) əməliyyatı çərçivəsində Polşaya gəliblər.
Briqada ölkədə 9 ay qalacaq. Amerika hərbçiləri Avropa müttəfiqləri ilə birgə təlimlərdə iştirak edəcəklər. Briqada döyüş qrupunun tərkibinə 4 min hərbi qulluqçusu, 87 “Abrams M1A1” tankı, 18 “Paladin” özüyeriyən qaubitsası, 400-dən çox “Humwee” döyüş avtomobili, həmçinin 144 “Bradley” PDM-i daxildir.
ABŞ “soyuq müharibə”nin başa çatmasından bu yana Avropaya ən böyük hərbi qruplaşmasını göndərir.
Ötən gün Almaniyanın Bremerhaven limanından quruya çıxan hərbi kolon bu gün Rusiya sərhədinə çatıb. ABŞ hərbçiləri növbəti həftələrdə Baltikyanı ölkələrdə yerləşdiriləcək.
NATO-nun digər üzvləri olan İngiltərə, Kanada və Almaniya da Rusiyaya yaxın ölkələrə 1000 hərbçi göndərəcək. Bu birliklər gələn ay Polşa, Bolqarıstan, Rumıniya və Baltikyanı ölkələrə yerləşdiriləcək.
ABŞ hərbi qüvvələrinin Rusiya sərhədlərində yerləşdirilməsinə Moskvadan sərt reaksiya verilib. Kremlin sözçüsü Dmitri Peskov bunun Moskna tərəfindən hərbi təhlükə kimi qəbul edildiyini bildirib.
Siam.az

---

---