“Yeni Müsavat Partiyasının yaradılması an məsələdir”.
Siam.az-ın xəbərinə görə, bunu “Yeni Müsavat” qəzetinin baş redaktoru Rauf Arifoğlu deyib.
 
R.Arifoğlu hələlik isə buna ehtiyac duymadığını bildirib: “Çünki dövlətimin kursundan razıyam. Elə bir kritik situasiyanı hiss etmirəm. Hiss etsəm, təbii ki, bu addımı atacağam. Mənim iki layihəm vardı: Müsavat Partiyası və “Yeni Müsavat” qəzeti. Müsavat Partiyasından 26 ildən sonra ayrıldım. Peşman deyiləm, düz etmişəm. Yeni Müsavat dövlətin, bayrağın yanında olmalıdır. Müsavatçılıq Prezident İlham Əliyevin apardığı kursdur, Arif Hacılının apardığı kurs deyil ki. İnkar, qaralam... Jurnalistlərimiz mina düşür, deyir, buna dövlət cavab verməlidir. Bu, müsavatçılıq deyil ki. Mən buna imkan vermədim. Müsavat əslində “Yeni Müsavat”dır. Ehtiyatda saxlamışam, özlərini pis aparsalar, Yeni Müsavat Partiyası yaradılacaq. Partiyadan kənara atdıqları brend isimləri, zəhmət çəkənləri, xain adı ilə ləkələdikləri şəxslərini başıma yığacağam”.

---

---