"Hindistandan silahlar 3 ilə gələcək, Paşinyan isə müharibəyə hazırlaşır" - Erməni politoloq


“Paşinyan hazırlıq görmədən müharibəyə hazırlaşır”.
KONKRET.az xəbər verir ki, politoloq Ovanes Ovannisyan öz sosial şəbəkə hesabında yazıb.
“Paşinyan tərəfindən yaradılmış anti-erməni ittifaqı artıq Ermənistan ərazisində növbəti qan tökülməsini planlaşdırır. Son üç aylıq ehtiyatda olan əsgərlərin toplanışı zamanı vətəndaşlardan yayınma halları sübut edir ki, bu dəfə Paşinyan əvvəlcədən planlaşdırılmış məğlubiyyətin “səbəblərini” yaratmaqda daha inamlı olacaq.
Müharibəyə hazırlaşan Paşinyan eyni zamanda ordunu məğlubiyyətə hazırlayır, artıq planlaşdırılmış məğlubiyyət, güzəşt səbəbləri yaradır.
Yeri gəlmişkən, qeyd edim ki, Hindistandan alınan silahlar təxminən üç ildən sonra çatdırılacaq. Deməli, bütün bu həyəcan sadəcə Paşinyanın təbliğatçılarının populizmidir.
Hələ Ermənistan əhalisinə açıqlanmayıb ki, strateji müttəfiqlərdən hansı öz öhdəliklərini yerinə yetirmir və silah vermir.
Paşinyanın işi mürəkkəbdir. Təbii ki, ölkəyə bu qədər şər gətirmək və hər şeyi kresloda qalacaq şəkildə planlaşdırmaq çətindir.
O, öz sahəsində peşəkardır. “Bravo!”, – deyə Ovannisyan bildirib.
Tarix: 27-11-2022, 23:07




Xəbər lenti

{sape_links}{sape_article}