Dövlət Məşğulluq Agentliyindən 1 milyonluq TENDER – Qalib olan 10 manatlıq şirkət KİMİNDİR?

Dövlət Məşğulluq Agentliyindən 1 milyonluq TENDER
“Dövlət Məşğulluq Agentliyi” Publik Hüquqi Şəxsinin 28 aprel və 3 may tarixlərində elan erdiyi ümumi dəyəri 1 milyon 018 min 495 manat olan iki tenderin nəticələri və qalibi açıqlanıb.

SİAM.AZ Bizim.Media-ya istinadla xəbər verir ki, Quba Peşə Hazırlığı Mərkəzində İT infrastrukturun (sistemlərin) qurulmasına lazım olan avadanlıqlar, proqram təminatları və onların quraşdırılması (sazlanması) işlərinin satın alınması məqsədilə aprelin 28-də başladığı və 959 min 691 manatlıq tenderin qalibi “B 2 B Group” MMC (VÖEN - 1005873041) olub.

Tərəflər arasında bağlanacaq satınlama müqaviləsinin şərtlərinə əsasən, şirkət Quba Peşə Hazırlığı Mərkəzi elektron hesablama maşınlarının və avadanlıqlarının satın alınmasını həyata keçirəcək.

Bunlar əsasən, 2 ədəd 42U markalı şəbəkə şkafı, 8 dəst “24 port cat 6 FTP” modul tipli sonlama qutusu, 360 ədəd “CAT-6” bağlayıcısı, 4 ədəd barmaq izi və kart oxuyucusu, 134 ədəd tavan və divar tipli səsucaldıcı, 2 ədəd masaüstü mikrafon, 1 ədəd mərkəzi konferans sistemi avadanlığı, 2ədəd server otağı üçün həssas soyutma sistemi və 78 adda digər avadanlıqlardır.

Bu şirkət haqqında qaranlıq iddialar var

Qeyd edək ki, “B 2 B Group” MMC 2019-cu ilin aprel ayında İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsi dövlət tərəfindən qeydiyyatına alınıb. Nizamnamə kapitalı 10 manat olan şirkətin qanuni təmsilçisi Bəşirov Ramal Bəşir oğludur. Məlumata görə Ramal Bəşirov əvvəllər sabiq Vergilər naziri Fazil Məmmədova məxsus olduğu iddia edilən "Caspel" şirkətində çalışıb.

Mətbuatda həm bununla, həm də digər məsələlərlə bağlı yayılan iddialara 2021-ci ilin dekabr ayında şirkətin rəhbərliyi tərəfindən aşağıdakı cavab verilib.

Bildirilir ki, “B2B Group” MMC” yeni yaranmasına baxmayaraq, ölkədə İKT sahəsində 10 ildən artıq təcrübəsi olan bir neçə peşəkarı öz ətrafında birləşdirərək yola çıxıb:

“Şirkətdə ölkənin aparıcı İKT inteqrator şirkətlərində vaxtilə çalışmış bir neçə şəxslər rəhbər vəzifələr tutmaqdadır. Şirkətdə dünyanın aparıcı istehsalçı şirkətlərinin sertifikasiyasından keçmiş 10-dan artıq mütəxəssis çalışır. Məhz bu baxımdan rəsmi şəkildə bildirmək istəyirik ki, "B2B Group” MMC şirkətinin adını çəkdiyiniz şəxslərlə, eləcə də hal-hazırda dövlət vəzifəsində çalışan hər hansı bir digər şəxslə əlaqəsi yoxdur”.

Bildirək ki, şirkət yarandığı ilk gündən etibarən böyük məbləğli tenderlərdə iştirak edib və satınalma müqavilələri bağlayıb. Belə ki, Milli Depozit Mərkəzinin 2021-ci ilin iyul ayının 29-da elan etdiyi "Kompüter, server, şəbəkə avadanlıqları, proqram təminatları və lisenziyaların satın alınması" üzrə tenderin qalibi olub və aralarında 414 min 478 manatlıq tender müqaviləsi imzalanıb.

Növbəti dəfə 2021-cilin dekabrın 7-də DMA-nın "Bərdə Peşə hazırlığı Mərkəzində İT infrastrukturun (sistemlərin) qurulmasına lazım olan avadanlıq, proqram təminatları və onların quraşdırılmasının (sazlanmasının) satın alınması" üzrə yekun vurduğu tenderin qalibi olub və aralarında 838 min 133 manat manatlıq satınalma müqaviləsi imzalanıb.

Şirkət ötən ilin noyabrın 22-də “Şuşa Şəhəri Dövlət Qoruğu İdarəsi” Publik Hüquqi Şəxsinin “Şuşa şəhərində yerləşən tarixi memarlıq abidələrinin qorunması məqsədi ilə video-müşahidə, təhlükəsizlik kameralarının quraşdırılması” ilə bağlı elan etdiyi tenderdə qalib olub və aralarında 384 min 427 manatlıq müqavilə imzalanıb.

Şirkət cari ildə də bir neçə tender müsabiqəsinin iştirakçısı və qalibi olub. Belə ki, bu ilin martın 3-də Əmək və Əhalinin Sosial Müdafiəsi Nazirliyinin “Elektron poçt sisteminin qurulması üçün lisenziyanın və Nazirliyin Aparatında strukturuna daxil olan və strukturuna daxil olmayan tabeliyində olan qurumlarda istifadəçi İT avadanlıqlarında proaktiv informasiya təhlükəsizliyinin təmin edilməsi məqsədi ilə XDR lisenziyasının satın alınması” tenderində qalib olub və birlikdə 1 milyon 186 min 977 manatlıq satınalma müqaviləsi imzalayıblar.

Dövlət Məşğulluq Agentliyindən 1 milyonluq TENDER
Dövlət Məşğulluq Agentliyindən 1 milyonluq TENDER
Tarix: 7-06-2023, 22:26
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

{sape_links}{sape_article}