“İş otağında və ya kürəyindən vurulan güllədən öləcək” - Putin haqda yeni iddialar

Keçən həftə mətbuatda Rusiya prezidenti Vladimir Putinin səhhətinin "pisləşdiyi" və onun xərçəng xəstəliyinə tutulması ilə bağlı yenidən xəbərlər yayılıb. Şayiələrə əsasən, Putinin mart ayında başqa bir müalicə kursu keçəcəyi iddia edilir. 2021-ci ildə keçirilən səsvermədən sonra 70 yaşlı Putinin daha iki müddətə seçilmək, potensial olaraq 84 yaşına qədər hakimiyyətdə qalması mümkündür. 

Qaynarinfo xəbər verir ki, Ukraynada müharibə artıq ikinci ildir davam etdiyindən Britaniyanın "Daily Express” nəşri ekspertlər və siyasətçilərdən Rusiya prezidentinin sonunun nə olacağını və hansı şərtlərlə postunu tərk edə biləcəyini soruşub.

Rusiya prezidentinin səhhəti illər ərzində onun Parkinson xəstəliyinə tutulması və qalxanabənzər vəzin xərçəngi həkimi ilə səyahət etdiyi iddiaları da daxil olmaqla, çoxlu fərziyyələrə səbəb olub.

Lakin Putin hələ də səhhətini sirr saxlamağı bacarır. Keçmiş Rusiya deputatı, hazırda Ukraynada mühacirətdə yaşayan İlya Ponomaryov qeyd edib ki, əksər siyasətçilər prezidentliyə namizədliyini irəli sürərkən kifayət qədər açıq danışırlar, lakin "Putin heç vaxt real seçkilərdə iştirak etmədiyi üçün onun açıq danışmağa ehtiyacı olmayıb”.

Putinin istefa verəcəyi fikri Ponomaryov tərəfindən "mümkünsüz” hesab edilib.

Vaşinqtondan olan korrupsiya üzrə mütəxəssis Neyt Sibli hesab edir ki, Putin böyük sərvətinə baxmayaraq, "ya qocalıqdan, ya da kürəyinə vurulan güllələrdən” vəzifədə öləcək.

"Daha əminliklə proqnozlaşdıra biləcəyimiz bir şey odur ki, bir çox varlı rusiyalılardan fərqli olaraq, Putin məşuqələri ilə birlikdə Fransa Rivierasındakı malikanəyə dinc yolla təqaüdə çıxmağı planlaşdırmır”, - Sibli deyib.

2020-ci il maliyyə hesabatlarına görə, Putinin ildə 120 min funt sterlinq qazandığı və nisbətən kiçik mənzildə yaşadığı iddia edilsə də, Rusiya prezidenti dünyanın ən zəngin adamlarından biri hesab olunur. Onun sərvəti 170 milyard funt sterlinq olaraq qiymətləndirilir.

"O, digər keçmiş sovet liderlərinin avtoritar rejimlərdən qurtulmağa çalışdıqlarını və uğursuzluğa düçar olduqlarını diqqətlə izləyirdi. İllər keçdikcə Putin üçün onun böyük sərvətlə hansı dəbdəbəli malların alına biləcəyi nəzarət edə biləcəyindən daha az əhəmiyyət kəsb edir", - Sibli qeyd edir.


"Öz ambisiyaları olan digərləri onu hakimiyyətdən məhrum edilmiş, kamerada çürüyərək və ya işıq dirəyindən asılmış vəziyyətdə görmək istəyə bilər. Onun gələcəyi necə olursa-olsun, xoşbəxtlikdən uzaq olacaq ", - ekspert deyir.

Həm Böyük Britaniyada, həm də Rusiyada yaşamış Burr Media-nın ictimaiyyətlə əlaqələr üzrə eksperti Entoni Berr, Putinin nə vaxtsa istefa verməsini deməyin çətin olduğunu söyləyib. Amma bu baş verərsə, ya onun şərtləri ilə, ya da sağlamlıq səbəbi ilə olacaq.

"Putin istədiyi və ya səhhəti imkan verdiyi müddətcə prezident olacaq. O, iş başında ölsə, təəccüblənməyəcəyəm. O, asanlıqla təslim olmayacaq və onu kim uzaqlaşdıra bilər? Heç kim. Son 23 ildə o, istənilən vasitə ilə hər hansı təhlükəni aradan qaldıra bilib”, - deyə Berr xatırladıb ki, Rusiya Federasiyası hökumətindəki bütün yüksək vəzifələr Putinin KQB-də xidmət etdiyi vaxtdan onun "dostları” tərəfindən zəbt edilib və o, hakimiyyəti dövründə ona qeyri-müəyyən müddətə hökmranlıq etməyə imkan verən Konstitusiyanı dəyişdirdi və müasir Rusiyanı "əsl avtokratiyaya” çevirdi. 

Berr onun səhhəti ilə bağlı həqiqəti yalnız Putinin özünün və onu müalicə edən həkimlərin bildiyini vurğulayaraq, Putinin, xüsusən də rusiyalıların getdikcə narahat olduğu və liderində sabitlik axtardığı müharibə dövründə "sadəcə xəstələnməyən” "güclü adam” obrazı yaratdığını qeyd edir. 

Siyasi ekspert və Fairmoney.com-un baş direktoru Dr. Rocer Gevolb da Putinin səhhətini "əsas faktor” adlandırıb.

O qeyd edib ki, böyük ictimai xadimin faktiki psixi və ya fiziki sağlamlığını, xüsusən də uzaqdan və media vasitəsilə mühakimə etmək çətindir.
"Əlbəttə, bütün çoxsaylı sübutlarla hələ də prezident Putinin vəzifəyə uyğun olmadığını söyləmək mümkün deyil”, - doktor Gevolb hesab edir ki, Rusiya prezidentinin səhhətində ciddi problemlər var, lakin onların işi və vəzifəsi üçün nə qədər kritik olduğunu mühakimə etmək mümkün deyil. 

Xatırladaq ki, bir müddət əvvəl siyasi strateq və yazıçı Mixail Şeytelman fevralın 22-də Lujnikidə keçirilən kremlpərəst konsertdə Vladimir Putinin özünün deyil, dublyorun çıxış etdiyini bildirib.

Ukrayna Müdafiə Nazirliyinin Baş kəşfiyyat idarəsinin rəisi Kirill Budanov da Putinin ən azı üç dublyordan istifadə etməsindən bəhs edib. Budanov iddia edir ki, "Putinlər” plastik əməliyyat etdirsələr də, boy fərqi onları ifşa edir. 

---

---