"VMedia" adlı Youtube kanalı Xocalı soyqırımının 30-cu ildönümünə həsr olunmuş yeni videoçarx təqdim edib. Kanalın müəllifləri hesab edirlər ki, əgər Ermənistan həqiqətən də regionda sülhə doğru dönüş etmək istəyirsə, Birinci Qarabağ müharibəsi zamanı öz hərbi cinayətkarlarını pisləməlidir. O zaman inanmaq olar ki, Ermənistan həqiqətən də öz çətin keçmişi ilə əlaqəni kəsmək istəyir. Bu arada, 1988-1992-ci illərdə 366-cı alayda komandanlıq edən Seyran Ohanyan və ya Robert Köçəryan kimi bu şəxslər nəinki dəmir barmaqlıqlar arxasında qalmayıb, hələ də siyasətlə məşğuldurlar. Hələ 10 il Ermənistan prezidenti olmuş, Xocalıda əməllərini faktiki olaraq etiraf edən Serj Sarkisyandan söhbət getmir.
 
Eyni zamanda, filmdə əsas vurğu o zaman “Stepanakert” adlanan Xankəndində yerləşən 366-cı qvardiya motoatıcı alayının Xocalı soyqırımında oynadığı rola yönəlib. Filmdə Bakıda və Yerevanda yerləşdirilən sovet qoşunlarının hələ də müttəfiq mərkəzə - Moskvaya tabe olduğu bir vaxtda 366-cı alayın (faktiki olaraq hələ Sovet İttifaqının tərkibində) erməni separatçılarının və terrorçularının əlinə keçdiyinə dair sensasion sübutlar təqdim olunub.
 
Əsas sübutlardan biri desant zabiti Viktor Şevçenkonun 366-cı alayın daxil olduğu 23-cü diviziyanın mətbu orqanı olan “Sovet döyüşçüsü” qəzetində 26 mart 1992-ci ildə dərc edilmiş “İxrac-366” adlı məqaləsidir. Məhz bu məqaləyə görə general-leytenant İ.Oqanyan (Zaqafqaziya Hərbi Dairəsinin komandanının müavini) martın 26-nın bütün tirajının məhv edilməsi haqqında əmr verdi. Tamaşaçılara Xocalı faciəsindən dərhal sonra “Azərbaycan” nəşriyyatının direktoru Baqatur Qayıbova ünvanlanmış məktubla göndərilmiş yeganə nüsxənin təkrar çapı nümayiş etdiriləcək.
 
V.Şevçenkonun sözlərinə görə, “yüzlərlə desant hər kəsə 366-cı alayın bütün silah və texnikasını silahlıların əlinə utanc verici şəkildə təslim etməsini şahidlik etməyə hazırdır”.
 
"Bu hadisə desantçıların “təmin etdiyi” “mütəşəkkil çıxış” kimi təqdim edilib. Əslində, bu, çıxış deyil, nizam-intizam və hərbi şərəf ideyalarını itirmiş, tamamilə parçalanmış hərbi qulluqçular cəmiyyətinin çıxarılması oldu. Alayın yüz əlli zirehli texnikasının üçdə birindən az ədədi hava ilə təxliyə edildi. Səkkiz ultra müasir tank, yüzə yaxın döyüş maşını, özüyeriyən zenit silahları, haubitsalar və döyüş sursatları, atıcı silahların dörddə üçü alayın səyi ilə humanizmdən uzaq insanlarda qaldı", - deyə filmdə Şevçenkonun sözləri sitat gətirilib.
 
Həmçinin filmdə 366-cı alayın komandiri, polkovnik Yuri Zarviqorovla telefon danışığının yazısı da var. Onun Moskvadakı ştatdankənar müxbirimizə dediklərini filmdə izləmək olar.
 
Bütün bu şübutlar ermənilərin Birinci Qarabağ müharibəsində necə qalib gəldiyini dəqiq göstərir. Eyni zamanda, vurğulandığı kimi, Xocalı soyqırımının əsas günahkarları hələ də cəzalandırılmayıb.
 

---

---