Şəhid Xəyal Aslanovun xatirəsinə inşa edilmiş bulağının açılışı olub - Tərtərdə


27 sentyabr “Anım günü” ərəfəsində 44 günlük Vətən müharibəsində respublikamızın ərazi bütövlüyü uğrunda şəhid olmuş Xəyal Aslanovun xatirəsinə ehtiram əlaməti olaraq inşa edilmiş şəhid bulağının açılışı olub.

Tədbirdə şəhidin ailə üzvləri ilə birlikdə Tərtər Rayon İcra hakimiyyətinin başçısı Müstəqim Məmmədov, YAP rayon təşkilatının nümayəndələri, hüquq-mühafizə orqanlarının rəhbərləri, Milli Məclisin deputatı Sahib Alıyevin köməkçisi, İctimai Birliklərin nümayəndələri, qazilər, müharibə veteranları, şəhidin vaxtilə təhsil aldığı şəhər 5 saylı tam orta məktəbin müəllimləri, Xəyal Aslanovun şəhid olmuş döyüş yoldaşlarının valideynləri, yaxınları, dostları iştirak ediblər.

Şəhid Xəyal Aslanov 1994-cü ildə Tərtərdə anadan olub. Hərbi xidmətini Naxçıvanda yerinə yetirib, sonra gizirlik kursunu bitirib və həyatını hərbiyə bağlayıb. 2016-cı ilin Aprel döyüşlərində Ağdam istiqamətində ön xətdə vuruşub. Sonra isə Vətən müharibəsində Talış-Suqovuşan istiqamətində döyüşüb və bu döyüşlərdə 28 sentyabr 2021-ci il tarixdə şəhidlik zirvəsinə yüksəlib.

Xəyal Aslanov Azərbaycan Respublikası Prezidentinin Sərəncamı ilə ölümündən sonra “Vətən uğrunda”, “Döyüşdə fərqlənməyə görə”, “Suqovuşanın azad olunmasına görə” və “Laçının azad olunmasına görə” medalları ilə təltif olunub.

Xəyalın özündən sonra iki oğlu qalıb. Umud və Uğur...

Tədbirdə rayon icra hakimiyyətinin başçısı Müstəqim Məmmədov, şəhər 5 saylı tam orta məktəbin müəllimi İlham Məmmədov, şəhid ailələri adından şəhid Miqdadin Abduləlimovun, Səbuhi Məcidovun, Ceyhun Xəlilovun valideynləri çıxış ediblər. Çıxışlarda Vətən müharibəsində qəhrəmanlıqla həlak olmuş oğlullarımızın eləcə də Xəyal Aslanovun döyüş şücaətindən, düşmən üzərində qazanılan Qələbədən, Azərbaycan Ordusunun gücündən, qüdrətindən danışılıb. Qeyd olunub ki, “Dəmir yumruq” əməliyyatı Ali Baş Komandan cənab İlham Əliyevin rəhbərliyi ilə uğurla başa çatıb.

Bu gün biz azad ölkənin azad vətəndaşıyıq. 30 ildən çox işğal altında olan torpaqlarımızda artıq Azərbaycan bayrağı dalğalanır. Zəfər tarixini yazan, bizə bu sevinci yaşadan igidlərimizin xatirəsi həmişə qəlbdlərdə yaşayacaq.

Şəhid Xəyal Aslanovun atası Qüdrət Aslanov çıxış edərək şəhid ailələrinə göstərilən diqqət və qayğıya görə Azərbaycan Respublikası Prezidentinə və Birinci vitse-prezidentinə ailələri adından öz minnətdarlığını bildirib.

Sonra 5 saylı tam orta məktəbin şagirdləri şəhidlərə, Vətənə, qəhrəmanlara həsr olunmuş şeirlər söylədilər.

Şəhid Xəyal Aslanovun xatirəsinə inşa edilmiş bulağının açılışı olub
Şəhid Xəyal Aslanovun xatirəsinə inşa edilmiş bulağının açılışı olub
Şəhid Xəyal Aslanovun xatirəsinə inşa edilmiş bulağının açılışı olub
Şəhid Xəyal Aslanovun xatirəsinə inşa edilmiş bulağının açılışı olub
Şəhid Xəyal Aslanovun xatirəsinə inşa edilmiş bulağının açılışı olub
Şəhid Xəyal Aslanovun xatirəsinə inşa edilmiş bulağının açılışı olub
Şəhid Xəyal Aslanovun xatirəsinə inşa edilmiş bulağının açılışı olub


 
Tarix: 24-09-2021, 10:03




Xəbər lenti