Bakının daşnak-bolşevik işğalından azad olunmasından 103 il ötür
Bakının erməni-bolşevik işğalından azad edilməsi XX əsr Azərbaycan tarixinin ən şərəfli səhifələrindən biridir
Bu gün Bakının daşnak-bolşevik işğalından azad olunmasının 103-cü ildönümüdür. AYNA-nın xəbərinə görə, 1918-ci il sentyabrın 15-də Nuru Paşanın rəhbərlik etdiyi Qafqaz İslam Ordusu və Azərbaycan Korpusu Bakıya daxil olaraq şəhəri erməni-bolşevik işğalından azad edib. Bununla da həm Azərbaycanın müstəqilliyi təmin olunub, həm də ermənilərin və bolşeviklərin Bakı və ətraf rayonlardakı ağalığına son qoyulub.
Bakının erməni-bolşevik işğalından azad edilməsi XX əsr Azərbaycan tarixinin ən şərəfli səhifələrindən biridir. Belə ki, 1918-ci il mayın 28-də Azərbaycanın müstəqilliyinin elan olunmasına baxmayaraq, ölkə ərazisinin bir hissəsi - Bakı və ətraf rayonlar erməni-bolşevik işğalı altında idi. Belə vəziyyətdə isə Azərbaycanın dövlət müstəqilliyi təsəvvür oluna bilməzdi. Müstəqilliyə təzə qovuşmuş, beynəlxalq aləmdə hələ tanınmayan gənc dövlətimizin ərazi bütövlüyünü təmin etmək imkanları hələ yetərincə deyildi. Belə bir şəraitdə özünün də çox ağır durumuna rəğmən, Osmanlı Türkiyəsi qardaş Azərbaycanın ərazi bütövlüyünü təmin etmək məqsədilə Nuru Paşanın komandanlığı ilə Qafqaz İslam Ordusunu Azərbaycana göndərdi.
Avropa dövlətlərinin türk qoşunlarının Azərbaycana gəlməsinə etiraz etməsinə baxmayaraq, qardaş köməyini əsirgəməyən Osmanlı Türkiyəsi 1918-ci ilin avqust-sentyabr aylarında öz tarixi vəzifəsini şərəflə yerinə yetirdi. Sentyabrın 15-də Qafqaz İslam Ordusu qarşısına qoyulan missiyanı uğurla başa çatdırmaqla Bakını işğalçılardan təmizlədi və Azərbaycan dövlətçiliyinə qardaş töhfəsini verdi.
Qəhrəman türk əsgərlərinin şücaəti və qanı bahasına Bakı və digər rayonların azad olunması ilə Azərbaycan Xalq Cümhuriyyəti hökuməti öz hakimiyyətini ölkənin bütün hüdudlarında təmin etdi. Bununla da 1918-ci ilin martından başlayaraq erməni daşnaklarının və bolşeviklərin Bakıda və Azərbaycanın digər bölgələrində birgə həyata keçirdikləri qanlı qırğınlara və özbaşınalığa son qoyuldu. Möhtəşəm və tarixi qələbədən sonra Azərbaycan Xalq Cümhuriyyəti hökumətinin paytaxtı sentyabrın 17-də Gəncə şəhərindən Bakıya köçürüldü. Beləliklə, Azərbaycanda dövlət quruculuğunun əsas mərhələsinə start verildi, bir neçə ay sonra isə parlamentə demokratik qaydalar əsasında seçkilər keçirildi.
Türk ordusunun Bakını bolşevik-daşnak işğalından azad etməsi şəhərdə əsl bayrama səbəb oldu. Məşhur milyonçu və xeyriyyəçi Hacı Zeynalabdin Tağıyev türk ordusunun şərəfinə təntənəli ziyafət təşkil etdi. Ziyafət indiki Dövlət Filarmoniyasının binasında keçirildi. Tağıyev türk ordusunun komandanı Nuru Paşaya və onun qəhrəman sərkərdələrinə hədiyyələr təqdim etdi.
Amma Antanta dövlətlərinin Osmanlı Türkiyəsinə təzyiqi getdikcə daha da artırdı. Ona görə də qısa müddətdən sonra türk qoşunları Bakını tərk etməli oldu.
1918-ci il sentyabrın 15-də Bakının azad olunması Azərbaycan-Türkiyə dostluğu və qardaşlığı zəminində müstəsna əhəmiyyət daşıyan böyük hadisədir. 70 illik sovet hakimiyyəti illərində bu hadisənin məqsədyönlü olaraq yanlış kontekstdə izah olunmasına baxmayaraq, Azərbaycan xalqı türk əsgərinin qəhrəmanlığını heç vaxt unutmadı, onu qəlbində yaşatdı.
Osmanlı ordusu Bakının azad olunması üçün həyata keçirdiyi hərbi əməliyyatlarda 1130 şəhid verdi. Azərbaycan növbəti dəfə müstəqillik qazandıqdan sonra hər il sentyabrın 15-də təkcə Bakıda deyil, Şamaxıda, Göyçayda və digər rayonlarda ölkəmizin ərazi bütövlüyü uğrunda şəhid olan türk əsgərlərinin məzarları dövlət səviyyəsində ziyarət olunur. Hər il Bakıdakı Şəhidlər Xiyabanında türk əsgərlərinin xatirəsinə ucaldılmış abidənin önündə anma mərasimi keçirilir. Aradan uzun illər keçməsinə baxmayaraq, Qafqaz İslam Ordusu tərəfindən göstərilən qardaşlıq köməyi heç vaxt unudulmayacaq, Azərbaycan xalqı tərəfindən daim minnətdarlıq hissi ilə xatırlanacaq.
Tarix: 15-09-2021, 08:02
-
Bu gün, 11:13
“Azərbaycan Beynəlxalq Bankı” gecə yarısı da kredit verirmiş? – ŞİKAYƏT
-
Bu gün, 09:14
Masallıda icra məmuru narazılıq yaradır - GİLEY
-
Bu gün, 09:12
Kimlər deputat olmayacaq - ƏN YENİ SİYAHI
-
Bu gün, 09:11
"Keyfiyyətsiz internet xidmətindən çox narazıyıq" - ETİRAZ
-
Bu gün, 08:33
Son günlər azyaşlılar arasında yayılan yeni VİRUS NƏDİR? - VİDEO
-
Bu gün, 07:41
Hayfa limanına raket zərbələri endirilib
-
Bu gün, 07:32
Əli Kərimli İsa Qəmbərə söz vurdu: "Tofiq Yaqublunu..."
-
Bu gün, 07:14
"Fransadan və onunla eyni siyasi xətti bölüşənlərdən fərqli olaraq..." - ŞƏRH
-
Bu gün, 07:13
Suvarma Sistemlər idarələrində korrupsiya bataqlığı - İTTİHAM VAR...
-
Bu gün, 07:13
Uşaq poliklinikasinda dözülməz vəziyyət - VİDEO
-
Bu gün, 07:11
Rektorların xaricdəki milyonluq əmlakları: Tələbələri qəsdən kəsir, zülm edirlər
-
Bu gün, 07:11
Arxektura komitəsində Ramin Abdullayev PROBLEMİ
-
Bu gün, 07:10
OĞUZDA 10 ha QOZ BAĞINI, SABİRABADDA DA 50 ha YULĞAN MEŞƏSİNİ MƏHV EDİB YERİNDƏ QARĞIDALI SƏPƏN "QOÇULARIMIZ"-Prezidentə müraciət
-
Bu gün, 07:09
Abdulbari Gozalın rəhbərlik etdiyi holdinq və Saleh Məmmədovun sədri olduğu qurum arasında məhkəmə çəkişməsi
-
Dünən, 23:07
Mark Libbi: “Azərbaycan hökumətinin davranışına görə cavab verə bilmərəm”
-
Dünən, 22:49
Keçmiş kəşfiyyatçıdan iddia: "ABŞ Gürcüstanda dövlət çevrilişi hazırlayır"
-
Dünən, 22:32
Rusiyanın ən varlı 26 milyarderi son bir gündə 5 milyard dollar qazanıblar – Tam siyahı
-
Dünən, 22:07
Neft Fondu əməkdaşlarının 3 günlük istirahəti üçün 118 min manat xərcləyəcək
-
Dünən, 18:12
ABŞ-də konqresmen Azərbaycandan rüşvət almaqda ittiham olunur – AP
-
Dünən, 18:07
Krım körpüsünü vurduq: nə qazanacağıq? - Krivolap
-
Dünən, 18:05
Paşinyanla Köçəryan yenidən qarşı-qarşıya: Ermənistanda xaos gözlənilir?
-
Dünən, 18:01
Həkim gündə nə qədər kolbasa yeməyin təhlükəsiz olduğunu açıqladı
-
Dünən, 17:58
Avropada ilk nüvə zərbəsi endiriləcək ölkə məlum oldu: NATO Rusiya ilə savaş planı qurur, silah şirkətləri varlanır
-
Dünən, 13:53
Geomaqnit qasırğası olan günlərdə nə etmək lazımdır? - Həkimdən TÖVSİYƏ
-
Dünən, 13:46
Bərdədə üç otaqlı ev tamamilə yanıb
-
Dünən, 12:33
“Rolf”un sahibi Putini ittiham etdi: “Bu, müsadirə kleptokratiyadır”
-
Dünən, 12:21
Şimali Qafqaz qaynayır.
-
Dünən, 10:39
Tərkibində təhlükəli qatqılar olan süfrəmizin "bəzəyi"
-
Dünən, 10:30
""Azpetrol"dan benzin vurdum, maşın titrəməyə başladı, elə bildim, dizel doldurublar..." - NARAZILIQ VAR...
-
Dünən, 10:09
“Xanımlar üz döndərmirlər” - “Dəmir ledi”ni niyə sevir və nifrət edirdilər? – FOTOLAR
{sape_links}{sape_article}