Peskovdan İrəvana İLGİNC XATIRLATMALAR - bir neçə milyard dollar...

Peskovdan İrəvana İLGİNC XATIRLATMALAR
“İndi biz dost, qardaş Ermənistanla münasibətlərdə kifayət qədər çətin dövr yaşayırıq”.

Musavat.com xəbər verir ki, bunu Rusiya prezidentinin mətbuat katibi Dmitri Peskov “Аргументы и факты” nəşrinə müsahibəsində bildirib.

“Bu, qardaşlıqdan da artıqdır, çünki burada Ermənistanın özündən də çox erməni yaşayır. Yeri gəlmişkən, Rusiya Federasiyasının vətəndaşları olan ermənilərin iqtisadi fəallığı hələ də Ermənistanın ümumi büdcəsinin çox böyük faizini təşkil edir. Adamlar ora pul köçürür, söhbət ildə bir neçə milyard dollardan gedir”, - deyə Peskov İrəvana maraqlı mesaj verib.

Onun sözlərinə görə, Qafqaz regionu təəssüf ki, müxtəlif regiondankənar qüvvələrin diqqətini cəlb edir.

“Biz əminik ki, bu qüvvələrin iştirakı çox məhdud olmalıdır, çünki o, orada sabitlik və rifah gətirmək iqtidarında deyil. Ona görə də ümid edirik ki, əlaqələrimizin inkişafını davam etdirmək üçün İrəvanda siyasi iradə qalib gələcək və biz bu çətin dövrdən uğurla keçəcəyik” - Peskov əlavə edib.
Tarix: 26-03-2024, 16:22
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

{sape_links}{sape_article}